أعطيتك رجل تتغنى عن فصل الربيع كلمات ياسين مصطفى بكري

*** زجل* زجل* زجل * زجل ***

أعطَيتِك زَجَل تتغَني عن فَصل الرَبيع

انتِ زَهِر ياسمين مِنحِبه الجَميع

ولَما غَنَيتي الزَجَل.لتِمِك مطيع

وعرِفتي إني عاشق ومثل الرَضيع

يلا تَنُرقص سوى ونِفرَح للابد

ونعبِد الاه الكون والرب الشَفيع

...............

التاج حُطي على راسك وإفرَحي

وانت أميرة راقية وحَق النَبي

عرفتِك أصيلة ويوم ما عم تنحني

الا لرب الكون الرب الغني

حتى اذا بعيدة مع نجوم السما

بتسوي السما والنجم وبتسوي الدني

...............

لعيون سودا والوجه نجم الميزان

وإنت اميرة وعايشة برقة وامان

يا زهرة يلي معطرة بخُلق وحنان

شفافك زهِر رمان واضح للعيان

التاج عاراسك مرصع بالذهب

ومكلل بالماس وبعود الريحان

...............

شتي يا دنيا وارعدي عديارنا

فصل الشتا عم يزور بلادنا

والحلوة يلي حالها من حالنا

مثل العروسة واقفة عبوابنا

البَدِر لما شافها غار وزعِل

بتطرب وتتمايل على موالنا

...............

تحياتي...ياسين مصطفى بكري...